bulleh shah Shayari | kalam baba bulleh shah Punjabi poetry |bulleh shah Ishq poetry in Urdu | bulleh shah ishq poetry in punjabi

Bulleh Shah Shayari - Baba Bulleh 

Shayari of Baba Bulleh Shah. Bulleh Shah has written famous compositions like Kafian, Dohre, Barahmah, Athwara, Gandan, and Sehrifian. Baba Bullah Shah has shown extreme bravery and secularism while writing against the religious bigotry and tyranny of the rulers of his times.

Waris Shah was a Punjabi Sufi poet. He is counted among legendry Punjabi poets other being Waris Shah , Shah Muhammad, Hashim Shah, Shiv Kumar Batalvi, Surjeet Patar, Baba Nazmi, Pash, etc

آﺅ سَیّو رل دیو نی ودھائی

میں بر پایا رانجھا ماہی

اَج تاں روز مبارک چڑھیا

رانجھا ساڈے ویہڑے وڑیا

ہتھ کُھونڈی موہڈے کمبل دھریا

چاکاں والی شکل بنائی

آﺅ سَیّو رل دیو نی ودھائی

میں بر پایا رانجھا ماہی

مُکٹ گُئواں دے وِچ رُلدا

جنگل جوہاں وِچ کس مُل دا

ہے کوئی اللہ دے ول بھل دا

اصل حقیقت خبر نہ کائی

آﺅ سَیّو رل دیو نی ودھائی

میں بر پایا رانجھا ماہی

بلھے شاہ

بلھے شاہ اِک سودا کیتا

پتیا زہر پیالہ پیتا

نہ کجھ لاہا ٹوٹا لیتا

درد دکھاں دی گٹھڑی چائی

آﺅ سَیّو رل دیو نی ودھائی

میں بر پایا رانجھا ماہی

بلھے شاہ

بُلھا کیہ جاناں میں کون

نہ میں مومن وچ مسیت آں

نہ میں وچ کفر دی ریت آں

نہ میں پاکاں وچ پلیت آں

نہ میں موسٰی نہ فرعون

بُلھا کیہ جاناں میں کون

بلھے شاہ

نہ میں اندر بید کتاباں

نہ وِچ بھنگاں نہ شراباں

نہ وِچ رِنداں مست خراباں

نہ وِچ جاگن نہ وچ سون

بُلھا کیہ جاناں میں کون

بلھے شاہ

 

نہ وچ شادی نہ غمناکی

نہ میں وچ پلیتی پاکی

نہ میں آبی نہ میں خاکی

نہ میں آتش نہ میں پَون

بُلھا کیہ جاناں میں کون

بلھے شاہ

نہ میں عربی نہ لاہوری

نہ میں ہندی شہر نگوری

نہ ہندو نہ تُرک پشوری

نہ میں رہندا وِچ ندَون

بُلھا کیہ جاناں میں کون

بلھے شاہ

نہ میں بھیت مذہب دا پایا

نہ میں آدم حوّا جایا

نہ میں اپنا نام دھرایا

نہ وِچ بیٹھن نہ وچ بَھون

بُلھا کیہ جاناں میں کون

بلھے شاہ

اول آخر آپ نوں جاناں

نہ کوئی دُوجا ہور پچھاناں

میتھوں ہور نہ کوئی سیانا

بلھا! اوہ کھڑا ہے کون

بُلھا کیہ جاناں میں کون

بلھے شاہ

بس کر جی ہُن بس کر جی

اک بات اساں نال ہس کر جی

تُسی دِل میرے وِچ وسدے ہو

اینویں ساتھوں دُور کیوں نسدے ہو

نالے گھت جادو دِل کھسدے ہو

ہُن کت ول جاسو نس کر جی

بس کر جی ہُن بس کر جی

اک بات اساں نال ہس کر جی

بلھے شاہ

تسی مویاں نوں مار نہ کُھٹدے سی   

کِھدّو وانگ کھونڈی نِت کُٹّدے سی

گل کردیاں دا گل گُھٹدے سی

ہُن تِیر لگاﺅ کَس کر جی

بس کر جی ہُن بس کر جی

اک بات اساں نال ہس کر جی

بلھے شاہ

تُسی چُھپدے ہو اساں پکڑے ہو

اساں نال زُلف دے جکڑے ہو

تُسی جے چُھپن نوں تکڑے ہو

ہُن جان نہ ملدا نس کر جی

بس کر جی ہُن بس کر جی

اک بات اساں نال ہس کر جی

بلھے شاہ

بلھا شَوہ میں تیری بردی ہاں

تیرا مُکھ ویکھن نوں مردی ہاں

نِت سو سو مِنتاں کر دی ہاں

ہن بیٹھ پنجر وچ دھس کر جی

بس کر جی ہُن بس کر جی

اک بات اساں نال ہس کر جی

بلھے شاہ

اِک الفوں دو تِن چار ہوئے

پِھر لکھ کروڑ ہزار ہوئے

پِھر اوتھوں باہجھ شمار ہوئے

ہک الف دا نکتہ نیارا اے

اِک الف پڑھو چُھٹکارا اے

بلھے شاہ

کیوں پڑھنائیں گڈ کتاباں دی

سِر چانائیں پَنڈ عذاباں دی

ہن ہویاں شکل جلاداں دی

اَگے پینڈا مشکل بھارا اے

اِک الف پڑھو چُھٹکارا اے

بلھے شاہ

بن حافظ حِفظ قرآن کریں

پڑھ پڑھ کے صاف زبان کریں

پر نعمت وچ دھیان کریں

من پِھردا جِیوں ہلکارا اے

بلھے شاہ

بلھا بی بوڑھ دا بویا سی

اوہ بِرچھ وڈا جا ہویا سی

جد بِرچھ اوہ فانی ہویا سی

پھر رہ گیا بی اکارا اے

اِک الف پڑھو چُھٹکارا اے

بلھے شاہ

اُٹھ گئے گوانڈھوں یار

اُٹھ گئے گوانڈھوں یار

رَبّا ہُن کِیہ کریے

اُٹھ چلّے ہُن رہندے ناہیں

ہویا ساتھ تیار

رَبّا ہُن کِیہ کریے

بلھے شاہ

ڈاڈھ کلیجے بل بل اُٹھے

بَھڑکے بِرہوں نار

رَبّا ہُن کِیہ کریے

بُلھا شَوہ پیارے باجھوں

رہے اُرار نہ پار

رَبّا ہُن کِیہ کریے

اُٹھ گئے گوانڈھوں یار

رَبّا ہُن کیہ کریے

بلھے شاہ