Punjabi Poetry of Tariq Aziz
دُور پرے اسماناں تے
رب سچے دا ناں
ہیٹھاں ایس جہان وِچ
بس اِک ماں اِی ماں
door pare asmaanan te
rabb sache da naan
hethan es jahaan vich
bus ik maan ee maan
Tariq Aziz
جزا سزا دے وہم نے
کجھ وی کرن نہ دِتا
زندہ رہن دے سہم نے
چج نال مرن نہ دِتا
jaza saza de weham ne
kujh vi karan na ditta
zinda rehn de seham ne
chajj naal maran na ditta
Tariq Aziz
ہولی ہولی بُھل جاواں گے
اِک دُوجے دیاں شکلاں وی
ہولی ہولی سِکھ جاواں گے
زندہ رہن دیاں عقلاں وی
holi holi bhul jaavan ge
ik dooje dian shaklan vi
holi holi sikh jaavan ge
zinda rehn dian aqlan vi
Tariq Aziz
گناہ کیہ اے، ثواب کیہ اے
ایہہ فیصلے دا عذاب کیہ اے
میں سوچناں واں چونہوں دِناں لئی
ایہہ خواہشاں دا حُباب کیہ اے
جے حرف اوکھے میں پڑھ نئیں سکدا
تے فیر جگ دی کتاب کیہ اے
ایہہ سارے دھوکے یقین دے نے
نئیں تے شاخِ گلاب کیہ اے
ایہہ ساری بستی عذاب وچ اے
تے حکم عالی جناب کیہ اے
Gunah kih ae sawab kih ae
Eh faisle da azaab kih ae
Main sochna waan choonhon dinaN layi
Ae khaahishaaN da hubaab kih ae
Je harf okhe main parh nai sakda
Te fer jug di kitaab kih ae
Eh sare dhoke yakeen de nein
Nai te shaakh-e-gulab kih ae
Eh sari basti azaab vich ae
Te hukum aali janaab kih ae.
Tariq Aziz
پِچھلی راتیں تیز ہوا
سارے شہر وِچ پھردی رہی
زہری قہر دا کوئی وظیفہ
چاروں پاسے کردی رہی
میں تے بُوہا بند ای رکھیا
اپنے پورے زور نال
پتہ نئیں کیہ بیتی ہووے
میرے جیہے کِسے ہور نال
pichhli raateen tez hawa
sare shehar vich phirdi rahi
zehri qehar da koi qazeefa
charon paase kardi rahi
main te buha band hi rakheya
apne poore zor naal
pata nai kih beeti hove
mere jehe kisse hor naal
Tariq Aziz
مُڈھ قدیم توں دنیا اندردو قبیلے آئے نیںاِک جنہاں نے زہر نیں پیتےدوجے جنہاں پیائے نیںmudh qadeem ton dunya andardo qabeele aaye neinik jinhaan ne zehar nein peetedooje jinhaan piyaaye neinTariq Aziz
جزا سزا دے وہم نےکجھ وی کرن نہ دِتازندہ رہن دے سہم نےچج نال مرن نہ دِتاjaza saza de weham nekujh vi karan na dittazinda rehn de seham nechajj naal maran na dittaTariq Aziz
0 Comments