Punjabi Poetry of Tariq Aziz - Tariq Aziz Punjabi
پچھلا پہر اے شام دا
دِل نوں عجب اُداسی اے
اِنج لگدا اے سارے نگر دی
کوئی وڈّی چیز گواچی اے
اِنج لگدا اے جیویں خلقت
اپنے لہو دی پیاسی اے
pichhla pehar ae shaam da
dil nu ajab udaasi ae
enj lagda ae saare nagar di
Koi waddi cheez gawachi ae
enj lagda ae jiven khalqat
apne lahu di piyasi ae
Tariq Aziz
تیرے بعد تے کوئی نئیں لبھا
ایڈا گُوڑھا یار
جِس دی خاطر زندگی
اپنی دیندا وار
tere baad te koi nai labha
edda goodha yaar
jis di khatir zindagi
apni denda waar
Tariq Aziz
چھوٹیاں چھوٹیاں گلّاں اُتے
اینویں نہ توں لڑیا کر
ایڈیاں سوہنیاں اکھاں دے اِچ
ہنجو نہ توں بھریا کر
جیہڑے کم نئیں تیرے چندا
توں اوہ کم نہ کریا کر
chhotian chhotian gallan utte
even na toon ladya kar
edian sohnian akhaan de ich
hanju na toon bharya kar
jehde kamm nai tere chanda
toon oh kamm na karya kar
Tariq Aziz
عجیب دن نیں عجیب راتاں
نہ گُلشناں وچ گُلاب مہکن
نہ دشت اندر سُراب دہکن
نہ شام ویلے شراب لبھے
نہ کوئی سوہنی کتاب لبھے
نہ میرے دل نُوں ملال کوئی
نہ میرے اندر جلال کوئی
نہ اِذن دیوے حضوریاں دے
نہ حُکم لاوے اوہ دُوریاں دے
نہ کوئی نعرہ حبیب ولّوں
نہ کوئی جُملہ رقیب ولّوں
0 Comments