Ashfaq Ahmed Quotes in Punjabi
Ashfaq Ahmed was a writer, playwright, and broadcaster from Pakistan. He wrote several books in Urdu. His works included novels, short stories, and plays for television and radio. He was awarded President's Pride of Performance and Sitara-i-Imtiaz for meritorious services in the field of literature and broadcasting.
اسیں کلّم کلّے رہنا
وِچ بازاریں مجمع لا کے
اُچی اُچی حال دُہائی
پا کے، روندیاں رہنا
اسیں کلّم کلّے رہنا
تیری چپلی سِدھی کر کے
سُتے پُتر دا مونہہ چُم کے
مونہہ ہنیرے بُوہا لاہ کے
سُتیاں کُتیاں کولوں لنگھنا
جا نیائیں بہنا
اسیں کلّم کلّے رہنا
تیرے ناں دی تسبی پھڑ کے
اپنا قصہ کہنا
اسیں کلّم کلّے رہنا
اشفاق احمد
aseen kallam kalle rehna
vich bazaareen majma laa ke
uchi uchi haal duhai
paa ke, rondean rehna
aseen kallam kalle rehna
teri chapli sidhi karke
sutte puttar da munh chumm ke
munh hanere buha laah ke
suttean kuttean kolon langhna
jaa neayeen behna
aseen kallam kalle rehna
tere naan di rasbi phad ke
apna qissa kehna
aseen kallam kalle rehna
Ashfaq Ahmad
کاں کاں کاں
میں کیہڑے پاسے جاں
اندر باہر چار چفیرے
ہر تھاں تیرا ناں
“کِتھے اے بئی ڈیرا تیرا
کِتھے تیرا گراں؟”
مینوں پُچھے چِٹھی رساں
میں اوہنوں کیہ آکھاں
اشفاق احمد
kaan kaan kaan
main kehre paase jaan
andar bahar chaar chofere
har thaan tera naan
“kithe ae bayee dera tera
kithe tera garaan?”
mainu puchhe chithi rassan
main ohnu kih dassan
Ashfaq Ahmad
میرے دِل دا محرم تُوں
ربّا! توئیوں تُوں
اوہ وی میرے دِل دیاں جانے
میری ہر ہر رمز پچھانے
ہسدی جائے، نسدی جائے
کول نہ آئے
فیر وی، ربّا! تُوں
توئیوں تُوں
اشفاق احمد
mere dil da mehram toon
rabba toiyon toon
oh vi mere dil dian jaane
meri har har ramz pachhane
hassdi jaye, nassdi jaye
kol na aaye
fer vi rabba toon
toiyon toon
Ashfaq Ahmad
میری شکل اے تیرے ورگی
تیری اے کِس ورگی
کُش وی مینوں نظر نہ آوے
جِنّا پینڈا مُکّے میرا
اونا رہ جائے ہور
کوجھی میری ٹور
اشفاق احمد
meri shakal ae tere vargi
teri ae kis vargi
kush vi menu nazar na aave
jinna penda mukke mera
ona reh jaaye hor
kojhi meri tor
Ashfaq Ahmad
اوکھا گھاٹ فقیری دا بھئی! اوکھا گھاٹ فقیری دا
مِسلاں دے وِچ ویلا کڈھنا، میٹنگ دے وِچ بہنا
اوکھیاں دے نال متھا لا کے، یس سر! یس سر! کہنا
ہسدے ہسدے رہنا
اپنی سیٹ تے عاجز بن کے اگے ہو کے بہنا
مُرشد موہرے گل نہ کرنی، جو آکھے سو سہنا
دنیاداری کم نئیں، ایہہ کم ہے پِتّا چِیری دا
اوکھا گھاٹ فقیری دا
اشفاق احمد
okha ghaat fakeeri da bhayee, aukha ghaat fakeeri da
misslañ de vich vela kadhna, meeting de vich behna
okhian de naal matha la ke, yes sir! yes sir! kehna
hassde hassde rehna
apni seat te aajaz ban ke agge ho ke behna
murshad mohre gall na karni, jo aakhe so sehna
dunyadari kamm nahi, eh kamm hai pitta-cheeri da
okha ghaat fakeeri da
Ashfaq Ahmad
سوہنے رب دا لین نظارہ
مونہہ ہنیرے
چوتھی منزل اُتے چڑھیا
گِلّی اِٹّ بنیرے اُتے
نیلے رنگ دا بھمبٹ بیٹھا
سارا سوہنا
دوویں نیلے پَر وی سوہنے
سجا کھبے توں وی سوہنا
اشفاق احمد
sohne rabb da lain nazara
munh hanere
chothi manzil utte chhareya
gilli itt banere utte
neele rang da bhimbhat betha
sara sohna
doven neele par vi sohne
sajja khabbe ton vi sohna
Ashfaq Ahmad
سنجے دل دے کھولے اندر
ٹُٹے کُھسّے راہی باہجوں
ہور نہ کوئی آوے
کوئی نہ پھیرا پاوے
پر توں کدھر وڑ آئی ایں
پاٹیاں کندھاں، ڈھٹھے بُوہے
فرشاں اُتے لیندے ساہ
چھیتی فوٹو چِھک لے کُڑیے
ہور نہ جانویں ڈھا
اشفاق احمد
sunje dil de khole andar
tutte khasse raahi bahjon
hor koi na aave
koi na phera paave
par ton kidhar wad aayi aen
paatian kandhan dhithe buhe
farshaan utte lainde saad
chheti foto khich le kudiye
hor na jaaven dha
Ashfaq Ahmad
تیریاں اکھاں وچ اداسی
تیرے مونہہ تے ہاسا
ہتھاں دے وچ مہر محبت
اُنگلاں وچ دلاسا
پتا نہیں، اوہ کون ہووے گی؟
جس دی ماں بنیں گی
پا کے جسدیاں بانہواں گل وِچ
ہر دم چمّدی رہیں گی
پھڑ کے جِسدے ہَتھ ایانے
رات نوں روندی رہیں گی
اشفاق احمد
terian akhan vich udasi
tere munh te haasa
hathan de vich mehar mohabbat
unglaan vich dalasa
pata nahi oh kaun hove gi?
jis di maan banain gi
pa ke jisdian bahvan gall vich
har dam chumdi rahen gi
phad ke jisde hath ayane
raat nu rondi rahen gi
Ashfaq Ahmad
واہ واہ سوہنا شہر سی
سوہنے سوہنے لوک
راہ جاندیاں نوں ویکھ کے
ہس کے لیندے روک
کُھلّے بُوہے بارِیاں
کوئی روک نہ ٹوک
میرے دل دے چور نے
خوف دی ماری نوک
آکھیا، شاہ تلقین جی!
چھڈ دئیو ایہہ جھوک
اشفاق احمد
wah wah sohna shehar si
sohne sohne lok
rah jandean nu vekh ke
hass ke lainde rok
khulle nuhe baarian
koi rok na tok
mere dil de chor ke
khof di maari nok
aakheya shah talqeen ji
chhad deyo eh jhok
Ashfaq Ahmad
0 Comments