Mian Muhammad Bakhsh Poetry | Punjabi Sufi
Mian Muhammad Bakhsh (1830-1907) was a Sufi saint and a Punjabi poet; he belonged to the Qadiri tariqah. He was born in a village called Khari Sharif, situated near Mirpur in Kashmir. He was brought up in a very religious environment and received his early education at home. He is especially renowned for his book of poetry called Saiful-Malook or Safar-ul-Ishq.
خشخش جتنا قدر نہ میرا اس نوں سب وڈیائیاں
میں گلئیاں دا روڑا کوڑا محل چڑھایا سائیاں
میاں محمد بخش رحمت اللہ علیہ
راتیں زاری کر کر روون نیند اکھیں دی دھوندے
فجرے اوگنہار کہاون ہر تھیں نیویں ہوندے
میاں محمد بخش رحمت اللہ علیہ
ٹُر چلے دلدار دلاں دے وطنوں چُک مہاراں
اُجڑی بستی نظری آوے کٙنڈ دتی جد یاراں
میاں محمد بخش رحمت اللہ علیہ
رکھی جھول تساڈے اگے پاؤ خیر یتیماں
اوگنہار کوچجیں بھریا بخشیں نبیؐ کریماں
میاں محمد بخش رحمت اللہ علیہ
ہوندی قوت زور نہ لایا بیٹھے من رضائیں
پانی باہجھ پیاسے چلّے دین دُنی دے سائیں
میاں محمد بخش رحمت اللہ علیہ
جو چاہیں سو لکھیں سائیاں مالک لوح قلم دا
میں مسکین حوالے تیرے توں ضامن ہر کم دا
میاں محمد بخش رحمت اللہ علیہ
تختوں لاہ بہاوے قیدی ہو نمانے بہناں
دُکھیں بھریا حال محمد فیر اوسے نوں کہناں
میاں محمد بخش رحمت اللہ علیہ
رات پووے تے بے درداں نوں نیند پیاری آوے
درد منداں نوں تاہنگ سجن دی سُتیاں آن جگاوے
میاں محمد بخش رحمت اللہ علیہ
جے لکھ زہد عبادت کرئیے بن عشقوں کس کاری
جاں جاں عشق نہ ساڑے تینوں تاں تاں نبھے نہ یاری
میاں محمد بخش رحمت اللہ علیہ
اٹھے پہر خیال تیرے دا دل وچ نقش پکایا
صورت تیری حاضر رکھاں تاں کوئی روز لنگھایا
میاں محمد بخش رحمت اللہ علیہ
جنہاں اکھیاں دلبر ڈِٹھا اوہ اکھیاں تک لئیاں
توں مِلئیں تاں ساجن مِلیا ہون آساں لگ پئیاں
میاں محمد بخش رحمت اللہ علیہ
0 Comments