Afzal Saahir Punjabi Poetry - Afzal Saahir Punjabi Shayari - Punjabi Shayari

Afzal Sahir Poetry - Punjabi Poetry 

Afzal Saahir a pakistani punjai poet , he was born in a village 258 R B, Pharala, Dijkot near Lyallpur Samundri Tehsil  of Faisalabad.on April 14, 1973. His ancestors had migrated to Pakistan from Hoshiarpur

ساڈے بابے لیکاں چمیاں سانوں مت کیہ آؤنی

انگ لمکن ننگی تار تے وچ رَت کیہ آؤنی

اسیں جھوٹو جھوٹی کھیڈ کے اِک سچ بنایا

فیر اُس نوں دھرمی لہر دا اِک تڑکا لایا

افضل ساحر

اسیں پاک پلیتے پانیاں وچ رِجھدے جائیے

یاں ہسیے گُھوری وَٹ کے یاں کھجدے جائیے

کوئی نیزے اُتے سچ وی ایتھے نہیں پچنا

بھاویں عیسٰی مُڑ کے آ جائے ایتھے نہیں بچنا

افضل ساحر

اسیں اکھاں مَل مَل ویکھیے کیہ کھیڈاں ہوئیاں

کِتے شیراں ورگے سُورمے اج بھیڈاں ہوئیاں

چنگا ای سی پُترا جے دیس چ رہندے

سانوں آن انگریجاں رولیا ساڈے بابے کہندے

افضل ساحر

اسیں جُتے وچ پنجالیاں ہل بن گئے پھائیاں

اسیں کھیتاں وچ ای بیجیاں کئی سال چھمائیاں

اسیں وِلکے روئے بُھکھ توں ساہ ٹُٹن لگ پئے

فِر لتّاں کڈھیاں چودھری اسیں گُھٹن لگ پئے

افضل ساحر

گئے وڈے باہر ولیت چوں شاہوکار لیائے

ساڈی کھڑی کپاہ نوں ویچیا اسیں منگ کے پائے

جد شیشے موہرے آ گئے بن افلاتونی

تد شکلاں دِسیاں کالیاں ہتھ خُونو خونی

افضل ساحر

سیں کھڑے کھلوتے کنب گئے پرچھاویں بھلے

ساڈے آپنیاں پٹواریاں ساڈے ناویں بدلے

سانوں سُرت نہ آئی ہووندے کِنج گھاٹے وادھے

اسیں باندر کِلا کھیڈیا تے چِھتر کھادے

افضل ساحر

سانوں ٹُک دا پھاہ لے گیا سی مُلاں ولّے

دو مالک جُڑ کے بہ گئے اسِیں لکھاں کلّے

ساڈا گنا مِل نے پیڑیا رَوہ رتّی نکلی

اُس رت چوں پگاں والیاں دی پتی نکلی

افضل ساحر

اسیں مینہ توں کنکاں سانبھیاں سانوں چودھر پے گئی

ساڈا مٹی وچ مونہ تُن کے ساڈے سِر تے بہ گئی

کیہ دساں ساہ دیئے منڈیے کِنج مندا ہوندا

میں رب نال دُکھڑے پھولدا جے بندا ہوندا

افضل ساحر