Afzal Saahir Punjabi Poetry - Afzal Saahir Punjabi Shayari - Punjabi Shayari

Afzal Sahir Poetry - Punjabi Poetry

Afzal Saahir a pakistani punjai poet , he was born in a village 258 R B, Pharala, Dijkot near Lyallpur Samundri Tehsil  of Faisalabad.on April 14, 1973. His ancestors had migrated to Pakistan from Hoshiarpur

جندے نی! تُوں کیکن جمّی

پیر پیر تے نِت بکھیڑے

جیون دی راہ لمّی

جندے نی! تُوں کیکن جمّی

جندے نی! کیہ لچھن تیرے

پھنیئر نال یرانے وی نیں

جوگی ول وی پھیرے

جندے نی! کیہ لچھن تیرے

افضل ساحر

 

دِل دی مَیل اُتاردا,ایس گھڑے دا پانی

عشق اللہ دا ہانی

افضل ساحر

عُمروں لمّے آس دے پینڈے,اسیں وِچوں دی ہوئے

سُفنے وی ادھ موئے,پباں ہیٹھاں چِیکن ساہواں

جُسّے اَت پرَیناں وجِیّاں,کِسے نہ ملھماں لائیاں

سجن جی! پیڑاں وِکنے آئیاں

افضل ساحر

چیکاں دے وِچ گُنھے,ساوِیاں رُتاں ورگے سُفنے

شہر نیں جیویں پکیاں تھاواں,پِنڈاں دے پِنڈ سُنّے

لاشاں تے دفناندے سنیا,روحاں کس دفنائیاں!؟

سجن جی! پیڑاں وکنے آئیاں

افضل ساحر

سِندھ ساگر دی لؤ,کَنی کَنی پنجاب دی

آکھے شاہ لطیف نُوں,اِک مِک رہیے ہؤ

افضل ساحر

اِک سُکھ مِلیا سو دُکھ مُکّے,میل وِچھوڑے دے گھر ڈُھکّے

خُشیاں دے رُگ بھر بھر چُکّے,رُوح نے رنگ رنگولی کھیڈی

بنھیاں پنڈاں رے, مورا پِیا موسے مِلّن آیو

افضل ساحر

کدی آ مِل فیر حیاتیے,کدی لنگھ آ نین چنھاں

اسیں مِہنے مارے موت نُوں,لَے لَے تیرا ناں

افضل ساحر