Tahira Sra Shayari - Punjabi Shayari Tahira Sra Poetry- Punjabi Poetry

Tahira Sra Shayari - Punjabi Shayari Tahira 

Tahira sra is Punjabi Poet and Writer also President "TWF"(Trinjan Welfare), Chief Editor "Saada Punjab"(Magazine) A fresh voice in contemporary Punjabi poetry, Tahira Sra challenges the traditional notions of womanhood through her verses.

Punjabi Shayari app is specially created for Punjabi’s lives in Punjab and worldwide So that they can in touch with his/her culture, On this website www.shayaridunya.com you will get all new Shayari every day and you can share any Shayari you like with your friends.

 پہلی گل کہ ساری غلطی میری نئیں

جے کر میری وی اے کیہ میں تیری نئیں؟

طاہر۱ سراء

پھڑ کے ہتھ لکیراں ہتھ کیہ آیا اے

کِھدّو بن کے لیراں ہتھ کیہ آیا اے

طاہر۱ سراء

میری طاقت دا اندازا کیہ ہووے

رسماں وچ ای کِھلر پُلر جانی آں

یاد وی مقناطیسی وا دا بُلا اے

جدھروں آوے اودھر اُلر جانی آں

طاہر۱ سراء

ساری رات میں سُفنے اُندی تھکدی نئیں

دِن چڑھدا اے تے خورے کِدھر جانی آں

ہولی جہی اوہ مینوں طاہرا کہندا اے

اُڈی اُڈی انبراں تیکر جانی آں

طاہر۱ سراء

جا نی پچھل پیریے صاحباں! مان ودھایا ای ویراں دا

میں خمیازہ بُھگت رہی آں تیرے توڑے تیراں دا

کل میں نقشا ویکھ رہی ساں ہتھاں وچ لکیراں دا

اِنج ای سمجھو جِسراں گُچھا کِکر ٹیگیاں لیراں دا

طاہر۱ سراء

شکلاں اُتے شکلاں چڑھیاں جو دِسدا اے ہوندا نہیں

مینوں پُچھو ویکھ رہی آں دُوجا رُخ تصویراں دا

اپنے عملیں آپے مردے کرنی بھرنی ہوندی اے

کملے جھلّے بھولے لوکیں ناں لاؤندے تقدیراں دا

طاہر۱ سراء

اپنے عملیں آپے مردے کرنی بھرنی ہوندی اے

کملے جھلّے بھولے لوکیں ناں لاؤندے تقدیراں دا

اپنے در دی باندی سمجھیں منگتی سمجھیں سمجھی جا

ایہ وی سوچ کہ ہتھ ہوندا اے محلاں ہیٹھ فقیراں دا

طاہر۱ سراء

رانجھے تخت ہزارے بیٹھے جھنگ مگھیانے کیدو نیں

کھیڑے جنجاں چاڑھی جاون اللہ ای وارث ہیراں دا

طاہرا میں تے لِکھ چھڈنی آں رام کہانی ویلے دی

بھاویں اکھاں لوسن پئیاں تک تک منہ تحریراں دا

طاہر۱ سراء